Ang sagot ng dentista, Mag-alay ka ng native na manok sa haring araw pagpatak ng alas singko ng hapon. Tanggal ang sakit ng ngipin mo.

At umuwi ang pasyenteng masaya at kuntento.

Anino ng Dentistang Albularyo

Dumating ang pangalawang pasyente. Matanda, puti na ang buhok at paika-ika. Ang ika niya, Doktor, nagsisilaglagan na ang mga ngipin ko. Ano po ang sakit ko? Ano ang gamot dito?

Nagisip ang kauna-unahang albularyong dentist sa Pangasinan. Ang sagot nito, Mag-alay ka ng 45 days old na native na manok mamayang 3:00. Bilhin mo ang orasyong isinulat ko sa papel na ito at iyong banggitin sa saliw ng kanta ni Mandy Moore.

At umuwi ang pasyenteng maligaya at walang kaproble-prolema.

Kumatok ang pangatlong pasyente. Maganda, sexy at matangkad. Oh bakit, oh bakit, ang ganda ganda ng pasyenteng ire?

Bakit nga ba? O bakit? Ang tanong ko ay bakit?

Ang hiling niya, Doc puwede bang maituwid ang ilan sa ngipin ko?

Nag-isip ang albularyong dentist. Ano nga ba ang dapat kong gawin ang nasa isip niya.

Ah, mag-alay ka ng leghorn na manok sa haring araw, kuhanin ang pinakamahabang balahibo nito at ipitin sa libro ng “Prediksyon sa 2009″. Umasa ka didiretso ang ngipin mo balang araw.

At nagpasalamat ang dalaga, umuwi, ginawa ang sinabi ng dentista at lahat ng tao sa buong mundo ay namuhay nang masaya, mapayapa, nagkakaisa at maraming-maraming pera.

No related posts.

Tumingin. Napatigil silang dalawa. Microsecond. Maganda. Maputi. Maamong mga mata. Uhaw ang damdamin. Nagtagpo ang kanilang mata. Napatigil. Napatigil. Napatigil silang dalawa. Mismong kilos ng mata napansin.

Ngunit!

Hindi sila nagkainlaban.

Lumindol. Boom! Boom! Boom! Ano yan tambol?

Umulan ng apoy. Prst! Prst! Prst! Ano yan sipon?

Gumuho ang SMX.

Ngunit!

Dito na ba magtatapos ang kuwento? Kuwento ni manong Apring. Ang Barbero sa tabi ng tindahan ni Judge Norada?

Ito na ba ang huling tagpo sa pelikula ng sabon? Sinu-sino ang mga Judges sa Ms. Rosales Beauty Contest? Bakit hindi nanood ang mga manyakis na kakilala ni Ron Ron?

Kung minsan, dumarating ang pangyayari. Sa dinami dami ng tao sa mundo. Sa dinami dami ng bagay sa mundo. Sa dinami dami at laki ng kaimposiblehan. Bakit nga ba kung kailan hindi ka handa saka biglang lilitaw ang ex mo?

Jabar! Jabar! Jabar! Ang tili ng Universal Motion Cheering Squad. Background music at paeffect sa kuwentong binabasa mo ngayon.

Magulo ang kuwento. Siguro dahil pang-asar lang.

No related posts.

Ale: Tao po! Tao po!
Dentista: Ano po iyon?
Ale: Magpapabunot ako ng ngipin.
Dentista: Pasok ho kayo.

Nasa pintuan ang ale at ayaw pang pumasok kahit pinapasok na.
Ale: Magkano ang isang bunot?
Dentista: P200 po. Depende pa din kung kumplikado.
Ale: Ang mahal naman! (Nagnginan!)

Gulat na gulat ang ale. Gitlang-gitla. Luwa ang mga mata.
Ale: Kasama na ang gamot doon?
Dentista: Hindi ho kasama. Magrereseta ako tapos bibilhin niyo sa botika.
Ale: Ang mahal naman! Puwede bang P100 na lang?
Dentista: O sige ho P150.
Ale: Sobra naman kayo!

Pumasok ang ale.
Dentista: Pasok ho kayo.
Ale: Ang init naman! (Nagpudotten!)

Gusto ng Ale buksan ang air-con. Pagbigyan. Kinuha ng dentista ang history at record. Sinimulan ang pagbunot. Pinahiran ng topical. Matapos nito, tuturukan na ng anesthesia.
Ale: Aray! Aray!
Dentista: Sandali lang ho ito. Talagang may konti kayong mararamdaman.

Matapos ang ilang sandali. Binubunot na.
Ale: Aray! Aray!
Dentista: Masakit ho ba?
Ale: Oo masakit! Masakit!

Tinurukan. Masakit pa rin. Tinurukan. Masakit pa rin. Ilang carpule na ng anesthesia?

Bulak o gauze, tubig, kuryente sa ilaw, autoclave/sterilization at air-con, papel sa reseta, tinta ng ballpen, papel sa record, needle, anesthesia, topical anesthesia etc. Paano na ang puwersa sa pagbunot ng ngipin. Isama mo na rin na nakataya ang lisensya ng dentista.

Ilang taon ang dentistry? 2 years prep, 4 years proper. Paano ang training sa actual na pasyente? Ilan ang required na bunot, pasta, OP, Pedo, Perio, Special Surgery, RCT etc bago grumadweyt ang dentistry student? Tandaan nating binabayaran ng dentistry student ang kanilang mga pasyente noong nag-aaral sila. Iba pa ang bayad sa ahente (tagahanap ng pasyente). Huwag din nating kalimutan ang meal ng ahente at ng pasyente. Idagdag na din natin ang power trip ng mga teroristang mga prof. Oo nga pala, lalo pang pinahirap ang board exam para sa mga dentistry graduate, lalo na sa practical exam.

Balik tayo sa kuwento. Paano kung hindi ininom ng pasyente ang inireseta ng dentista. Nagkaroon ng kumplikasyon. Dahil sa katigasan ng ulo ng pasyente, lumala at namatay? Paano kung isinisi pa sa dentista? At tinawag kang “dentistang namatayan ng pasyente”.

Sulit ba ang P150?

Bakit hindi natin gawing P250? Paano nga ba, eh ang kapwa mo dentista kapit na sa patalim? May ilang kupal na dentistang naniningil ng P80. E-I-G-H-T-Y P-E-S-O-S. 80 PESOS. 8000 Centavos. Convert mo sa US dollar, P80 = $2.

Mas mabuti ngang mangibang bansa ang mga dentista.

Ang ate ko nga pala, doktor ng medisina. May mas malala pa siyang kuwento kaysa sa kuwento ko.

No related posts.